Batalioni italian nga Forca Rezervë Operacionale e NATO-s është vendosur sot në Kosovë, si pjesë e misionit paqeruajtës KFOR.
Në një njoftim të KFOR-it në Facebook thuhet se misioni i NATO-s vazhdon të përmbushë mandatin e tij të OKB-së për të siguruar një mjedis të sigurt për të gjitha komunitetet në Kosovë.
Në njoftim nuk është bërë e ditur numri i ushtarëve në kuadër të batalionit italian në Kosovë.
Ndryshe, Misioni i SHBA-së në NATO më herët ka bërë të ditur se po ndërmerr hapa të kujdesshëm për të siguruar që KFOR-i të ketë forcat e nevojshme për të përmbushur mandatin e tij.
