BE-ja e ripërsërit: Të dielën u krye sulm terrorist në Kosovë, po presim hetimet

“Dua ta përsërisë qartë pozitën e BE-së për atë që ndodhi të dielën. Ky ishte sulm terrorist dhe ai duhet të hetohet, e përgjegjësitë duhet të sillen para drejtësisë. Të gjithë që janë të përfshirë apo që mund, janë të obliguar të bashkëpunojnë në mënyrë që të sigurohet që ky sulm të hetohet plotësisht dhe ata që e kanë planifikuar, që e kanë ekzekutuar apo që ishin prapa të sillen para drejtësisë. Këtë pozicion BE-ja e ka përsëritur disa herë”, ka thënë Stano.

Sa i përket deklarimeve të presidentit të Serbisë, Aleksandar Vuçiq, që ka thënë se policët shqiptarë “nuk kanë se çfarë kërkojnë në veri”, Stano nuk ka dashur t’i komentojë.

Ai është pyetur nga korrespondenti i KOHËS, Augustin Palokaj, nëse ka ndonjë marrëveshje ku policëve shqiptarë të Kosovës nuk u lejohet hyrja në veri.

“Nuk komentojmë çdo deklaratë, çdo interpretim në lidhje me atë çfarë ka ndodhur. Ne kemi një situatë shumë serioze. Por, ne nuk angazhohemi me partnerët në rajon nëpërmjet kanaleve publike. Nëse kemi diçka për të thënë u themi direkt partnerëve tanë. Të gjithë kanë obligime e dinë shumë mirë se se çfarë prejt BE-ja. Kur shtetet anëtare t’i kenë të gjitha informacionet, më pas do të vendosin nëse duan të reagojnë ndan ndonjë deklarate, interpretimi apo se si do të reagojnë në lidhje me ata që zbulohen se ishin fajtorë për sulmin”, ka thënë Stano.