Bashkimi Evropian është shprehur i shqetësuar ndaj operacionit ushtarak të Turqisë kundër forcave kurde në veri të Sirisë, pas vendimit të befasishëm të SHBA-së që ta tërheqë ushtrinë nga kjo pjesë siriane.
SHBA-ja është tërhequr nga zona, për t’i liruar hapësirë Turqisë që ta kryejë operacionin ushtarak kundër forcave kurde, të cilat kanë qenë aleate të SHBA-së.
Kryengritësit kurdë kanë luajtur rol të rëndësishëm në shpartallimin e Shtetit Islamik, por Turqia i konsideron terroristë.
Amerikanët u tërhoqën nga zona kufitare në të cilën Turqia synon ta krijojë një zonë të sigurisë.
Grupi i kurdëve, tërheqjen e SHBA-së e cilësoi si thikë pas shpine, ndërsa në muajin janar, presidenti Trump e kërcënoi Turqinë me pasoja ekonomike nëse sulmon forcat kurde.
