Kandidati për deputet nga PDK në zgjedhjet e fundit, Hisen Berisha, duke folur për Gjykatën Speciale ka thënë se paqe nuk mund të ketë pa u vendosur drejtësi.
“Shumë luftëtarë janë përballur me drejtësi. Është një dukuri që na ka përcjell gjatë kësaj periudhe, tendenca e gjeneralizmit të përgjegjësisë individuale me atë kolektive. Secili duhet të ketë kurajë që të përballet me drejtësi”.
“Kur është marrë Fatmir Limaj në Hagën ka pasë një deklarim të Presidentit Ibrahim Rugova: Besoj në drejtësi dhe që ai do të dalë i pastër pasi që lufta jonë ka qenë e drejtë, përafërsisht kështu ka qenë”, ka thënë Berisha, njofton Klan Kosova.
“Nuk ka qenë mbrojtja e Limajt si individ, po çështja e mbrojtjes së parimit dhe madhështisë së asaj lufte”.
Në Sytë 7, ai ka theksuar se është e pandershme që të krijohet një klimë antivlerë e luftës.
