Numri i lindjeve në Kosovë ka pësuar rënie nga viti në vit. Sipas të dhënave të Agjencisë së Statistikave të Kosovës (ASK), në vitin 2012 në Kosovë kanë lindur 27 mijë e 743 fëmijë.
Por numri i lindjeve nga viti në vit ka rënë. Pasi që vetëm një vit më vonë pra në vitin 2013 numri i fëmijëve të lindur është 23 mijë e 342 fëmijë, e që është 4 mijë e 401 fëmijë më pak.
Ndërkaq në vitin 2014 numri i fëmijëve të lindur ishte 25 mijë e 929, e që është një ngritje e lehtë krahasuar me një vit më parë.
Por rënie kishte sërish në vitin pasues. Pasi që në vitin 2015 kishin lindur 24 mijë 594 fëmijë.
Në vitin 2016 sipas të dhënave të ASK-së kanë lindur 23 mijë e 416. E shifër e ngjashme ka qenë dhe një vit më vonë, pasi që në vitin 2017 numri I fëmijëve të lindur është 23 mijë 402.
Ndërkaq në vitin 2018 në Kosovë kanë lindur 22 mijë e 761. Në vitin 2019 lindën 21 mijë 798. Në vitin 2020 kanë lindur 21 mijë 907 fëmijë.
Sipas të dhënave të ASK-së në vitin 2021 kanë lindur 22 mijë e 830. Ndërkaq në vitin 2022 kanë lindur 22 mijë 632 fëmijë. Ndërsa në vitin 2023 kanë lindur 21 mijë e 206 fëmijë.
Ndërsa sipas të dhënave të ASK-së nga janari deri në tetor të vitit 2024 në Kosovë kanë lindur 22 mijë e 418 fëmijë.
