Përveç vizitorëve shqiptarë, në Panairin e librit nuk kanë munguar as të huajt. Një prej tyre është 78-vjeçari nga Suedia Bjorn Edgar, i cili për Report Tv thotë se nuk mungon asnjë vit në këtë event. Ka qenë një vizitë turistike në vitin 1971, pikënisja e një lidhjeje të pandashme të tij me Shqipërinë.
‘Duhan tarabosh dhe llullë dhuratë. Marr gjysmë kile me vete’, kur e dëgjon të flasë kështu, duket si një shqiptar tradicional, por personazhi që shihni në videon më lart është Bjorn Edgar, 78 vjeç nga Suedia. Kontakti i parë me Shqipërinë në vitin 1971, e lidhi aq shumë me vendin tonë, saqë i premtoi vetes që nuk do të reshte kurrë së vizituari…
“Erdhëm grup turistësh por premtova që nëse Shqipëria hapet do vija prapë. Një gjuhë është si një çelës që hap vendin, hap derën, mund të bisedoj me njerëzit, mund të lexoj…”, thotë ai.
