Mbrëmjen e së martës dhe të mërkurës në Kosovë pati reshje të konsiderueshme të shiut, të shoqëruara me breshër e rrufe. Si pasojë e tyre, ka pasur edhe dëme të mëdha në kulturat bujqësore.
Dëmet më të mëdha janë shkaktuar në Rahovec, ku bujqit tashmë kanë mbjellë kulturat bujqësore, shkruan Reporteri.
Në disa pamje të dërguara nga Krusha e Madhe, një bujk rrëfen se ka mbetur pa të mbjella dhe se ato ia ka shkatërruar breshëri.
Kujtojmë se fermerët në Rahovec ishin goditur edhe nga pandemia, pasi kulturat bujqësore u kishin mbetur pa u shitur.
