Cedomir Jovanoviç ka folur për rastin e vëllezërve Bytiçi , duke shpjeguar se është një rast që Serbua duhet ta zgjidhë.
https://www.facebook.com/cedomir.jovanovic/videos/960311594305544/
“Vëllezërit Bytyçi morën pjesë në disa situata në të cilat ndihmuan njerëzit të strehohen. Kjo ishte periudha pas nënshkrimit të Marrëveshjes së Kumanovës, përfundimi i konfliktit me NATO-n, eksodi i serbëve dhe të gjithë të tjerët që ndjeheshin të kërcënuar dhe kaluan vijën administrative”, thotë Cedomir Jovanovic në TV Happy, trasmeton FMimages.net
Në mes të debatit u përfshi një tjetër mysafir, Zoran Andjelkovic , i cili i bëri Jovanoviç një pyetje interesante.
Më falni Cedo, por nëse thoni që ata ishin rreth Gjilanit, çfarë lidhje ka kjo me linjën administrative në Podujevë?
Jovanoviç u përgjigj duke shpjeguar se vëllezërit u larguan pasi shoqëruan një grup romësh.
“Ata po shoqëronin një grup romësh në kufi dhe nuk e dinin që kishin kaluar kufirin. Kjo ndodh shumë shpesh sot, atëherë nuk ishte asgjë e veçantë. Ata nuk kaluan nga Merdarja por me ndonjë rrugë dytësore dhe u mbajtën në Prokuplje, u dënuan dhe u liruan pas dy javësh nga burgu. Pastaj një grup policësh iu afruan dhe i ekzekutuan. Shteti ka për detyrimqë ta zgjidhë këtë, jo se Amerika na kërkon ta bëjmë këtë”, thotë Jovanoviç.
Jovanoviç thotë së nuk beson se ata ishin në frigoriferët e kamionëve që mbartin kufomat e shqiptarëve të vrarë të hedhur në Danub.
“Vëllezërit Bytyçi u arrestuan, vuajtën dënimet e tyre, dolën nga burgu dhe më pas u arrestuan përsëri, u morën në anën tjetër të vendit dhe u ekzekutuan brutalisht”, përfundoi Cedomir Jovanoviç .
