Pasi qëlloi me armë zjarri ndaj dy të dënuarve me burgim të përjetshëm, duke lënë të vdekur Arben Lleshin dhe duke plagosur Ilir Xhakjan, Sokol Mjacaj është dorëzuar pasi në vendngjarje kanë mbërritur forcat “RENEA”.
I vrari dhe i plagosuri ishin shokë qelie dhe në momentin e të shtënave nga Mjacaj, Xhakja i ka dalë në mbrojtje Lleshit. Lleshi ndërroi jetë në spital.
Burimet paraprake bëjnë me dije se pistoleta me të cilët mendohet se ka qëlluar Sokol Mjacaj ka hyrë me dron brenda burgut të sigurisë së lartë. Ndërsa konflikti dyshohet se ka ndodhur në kuzhinën e burgut. Gjithcka ka ndodhur e përpiluar deri në detaje, për marrjen e pistoletës.
Nuk dihet ende nëse ai është ngutur për të kryer një veprim të tillë kur ministria e Dretjësisë vendosi dërgimin e tij në regjimin “41 bis”.
