Revista saterike franceze Charlie Hebdo ka karikaturuar presidentin Erdogan, në menyrën më gjenilae.
Ajo e vendos liderin turk në një vaskë duke e zënë rryma elektrike nga prekje e një llampe, e cila është dhe simbol i partisë së tij, me titullin: “Vetëm fati do të na ndihmojë ta heqim qafe”.
I menjëhershëm ka qenë reagimi i ministrit të Jashtëm turk Mevlut Çavusoglu, i cili thotë se “revista vazhdon të ofendojë kombin turk”. “Charlie Hebdo, Charlie Hebdo famëkeq, vazhdon të fyejë kombin turk. Nuk duhet të harrojmë! Ata që lavdërojnë të keqen mbyten gjithmonë në urrejtjen dhe ligësinë e tyre. Ajo që është vërtet shembullore është se ata që nuk mund ta mposhtin vullnetin e lirë të kombit turk me lojëra të ndryshme, po mbështeten dëshpërimisht te fati”, shkroi ai në një postim në Tëitter.
Ibrahim Kalin, zëdhënës i presidencës turke, e quajti revistën një “leckë” dhe theksoi se “më 28 maj kombi ynë do t’ju japë përgjigjen më të mirë”.
“Meqenëse lecka Charlie Hebdo është çmendur kaq shumë, kjo do të thotë se jemi në rrugën e duhur. E keqja ndonjëherë është e tillë. Ajo drejton të mirën. Mos u shqetëso CH. Kombi ynë në 28 maj do t’ju japë përgjigjen më të mirë, me zërin më të lartë”, shkruan Kalin.
Nga ana e tij, drejtori i komunikimit i presidencës turke, Fahrettin Altun, foli për një “skicë imorale dhe çnjerëzore” që tregon se “suksesi i madh i Presidentit tonë në zgjedhjet e 14 majit bëri që edhe këta njerëz të pandershëm të humbin gjumin”.
“Me karikaturën e fundit imorale dhe çnjerëzore kundër presidentit tonë, Charlie Hebdo i ka dëshmuar edhe një herë botës se sa e neveritshme është. Duket se suksesi i madh i Presidentit tonë në zgjedhjet e 14 majit ka bërë që edhe këta njerëz të pandershëm të humbin gjumin, të përhapin humorin e tyre të sëmurë dhe të vjellin inat e urrejtje. Duke iu drejtuar Charlie Hebdo dhe degëve të saj: Çfarëdo që të bëni, nuk mund ta frikësoni Rexhep Tajip Erdogan. Ju nuk mund të na largoni nga rruga jonë. Ne e dënojmë ashpër këtë imoralitet dhe i shikojmë me keqardhje në sytë e tyre teksa luftojnë në këtë dëshpërim”, ka komentuar Altun.
