Një biznesmen kanadez ka shpenzuar miliona dollarë amerikanë për të ndihmuar refugjatët sirianë të ndërtojnë një jetë të re në Kanada.
Jim Estill, drejtori i Danby Appliance, ka vendosur të sjellë 89 familje refugjate siriane në Kanada me gjithsej 300 anëtarë.
“Nuk dua të plakem, ku, ndërsa një krizë më e madhe humanitare po ndodh, unë nuk po bëj asgjë në lidhje me të”, tha ai.
Biznesmeni Estill harxhoi afro 1.2 milion dollarë për të sponsorizuar refugjatët.
Ai u ofron atyre punë në kompaninë e tij, si dhe në projekte të tjera sipërmarrëse.
Për këtë, po shfrytëzon kontigjente refugjatësh të ardhur në Kanada në vitet ’70-’80, të cilët po u shërbejnë të rinjve vullnetarisht duke u mësuar gjuhën, zanatet apo dhe stilin e jetës.
“Unë kam tetëqind vullnetarë dhe secila familje ka mentorët e saj që flasin gjuhën arabe apo angleze”, shpjegoi Estill.
“Ne i ndihmojmë ata në periudha të vështira dhe pastaj ata ndërtojnë një jetë të re më vete”, sqaroi ai.
