Nënkryetarja e Partisë Demokratike të Kosovës, Vlora Çitaku, ka thënë se beteja e vërtetë tash është energjia e jo “luftërat imagjinare në kokën e kryeministrit”.
Ajo i është referuar njoftimi të KEDS-it, ku nga sot do të ketë reduktime të energjisë elektrike.
Sipas saj, dikush duhet të jap përgjegjësi për këtë situatë.
Çitaku ka shtuar se sigurimi i energjisë është çështje e sigurisë kombëtare.
“Këto janë betejat e vërteta, e jo luftërat imagjinare në kokën e Kryeministrit”, ka shkruar Çitaku.
Postimi i saj i plotë:
6-2 orari i reduktimeve në mes të Gushtit, kur niveli i konsumit është i ultë. Mund ta marrim me mend se si do të jetë dimri në Kosovë këtë vit.
Dikush duhet me dhanë përgjegjësi për sabotimet e njëpasnjëshme të secilit projekt i cili do të rriste pavarsinë energjetike të Kosovës.
Sigurimi i energjisë është çështje e sigurisë kombëtare. Këto janë betejat e vërteta, e jo luftërat imagjinare në kokën e Kryeministrit.
