Deputetja e PDK-së përkrah veprimin e mësuesit që detyrojë nxënësit të mbështesin luftën ushtrisë turke kundër kurdëve

Këto ditë nëpër rrjete sociale dhe media është publikuar një fotografi ku shihen nxënësit e shkollës ShFMU “Motrat Qiriazi” dhe mësimdhënësi i kësaj shkolle, duke përshëndetur në mënyrë ushtarake, e cila ka shkaktuar reagim në opinion me pretendim për abuzim ndaj fëmijëve.

Kjo fotografi mori shumë kritika nga opinioni publik në vend.

Mirëpo deputetja e re e PDK-së Besa Ismaili, nuk mendon njejtë, përkundrazi, ajo ka përkrahur një veprim të tillë duke thënë se a nuk kanë të drejtë komuniteti turk në Kosovë ta shfaqin flamurin e tyre.

Ismaili përmes një postimi në Twitter ka shkruar

“Seriozisht, a do të thotë kjo që komunitetit turk në Kosovë, mësuesve dhe nxënësve, nuk u lejohet ta përdorin dhe ta shfaqin flamurin e tyre? Kam menduar që këtë të drejtë ua siguron Kushtetuta. A nuk është kështu kryetar i Komunës, Mytaher Haskuka?”, ka shkruar Ismaili në Twitter.

Ndryshe, nxënësit e shkollës janë fotografuar nga mësimdhënësi i tyre, deri sa përshëndetin në mënyrë ushtarake dhe mbajnë në duar flamurin turk. Kjo mënyrë e përshëndetjes është kthyer në simbolikë të mbështetjes të ndërhyrjes ushtarake të Turqisë ndaj kurdëve në Siri.