Në Mjekimin Intensiv të Qendrës Klinike Universitare të Kosovës po vazhdon trajtimi i personit që u plagos ditë e enjte në një lokal të fshatit Runikë të Skenderajt.
Shefi i Intensives, Shaqir Uka në një deklaratë të dhënë për Telegrafin tha se gjendja e personit të plagosur, të cilit ditën e enjte i është dashtë t’i amputohet këmba është duke shkuar drejt përmirësimit.
“Është duke vazhduar trajtimi i personit të plagosur, gjendja është më stabile se dje. Por, duhet ende të vazhdojë trajtimin në Klinikë”, tha ai.
Ndërsa, i riu tjetër i cili u plagos është dërguar për tretman mjekësor në Zvicër, pasi i njëjti jeton dhe vepron në shtetin zviceran.
Ndryshe, vrasja e rëndë ka ndodhur në orët e hershme të mëngjesi të së enjtes në një kafiteri në Skenderaj, ku ka mbetur i vrarë një person dhe tre të tjerë janë plagosur.
Më saktësisht ngjarja ka ndodhur në fshatin Runik të Skenderajt rreth orës 01:21.
Lajmin e kishte konfirmuar zëdhënësi i Policisë së Kosovës për rajonin e Mitrovicës, Avni Zahiti.
“Rreth orës 01:21, të datës 10 gusht 2023, policia ka marrë informatën për të shtëna me armë zjarri në një kafiteri në fshatin Runikë të Skenderajt. Menjëherë në vendin e ngjarjes kanë dalë njësitet e nevojshme policore dhe ekipi mjekësor”, ka thënë ai.
Sipas tij, bazuar në hetimet fillestare, nga arma e zjarrit lëndime kanë pësuar katër persona. Njëri nga të lënduarit viktima N. L, 39 vjeçar ka ndërruar jetë në vendngjarje, ndërsa, tre persona të tjerë të lënduar (po ashtu nga arma e zjarrit) janë dërguar për tretman mjekësor në QKUK.
Lidhur me rastin, Policia ende nuk ka arrestuar asnjë të dyshuar
Fushata zgjedhore në qytetin e Cyrihut po tregon anën e saj të shëmtuar pak para…
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…