Policia e Kosovës në Pejë ka bërë të ditur se dy persona kanë vdekur nga të shtënat me armë zjarri afër shkollës ekonomike atje.
Nga Policia për klankosova.tv kanë deklaruar se pos të vdekurve dyshohet edhe për një person të lënduar.
“Sonte rreth orës 20:20 afër shkollës ekonomike është dyshuar për të shtëna me armë zjarri. Pas kësaj dy persona kanë pësuar lëndime trupore, janë dërguar në spital dhe ekipi mjekësor e ka konstatuar vdekjen e tyre”.
“Në vendin e ngjarjes janë njësitet e policisë bashkë me prokurorin e shtetit”, kanë thënë nga policia.
