Një dhi në Ukrainë është shpallur heroinë kombëtare pasi shkaktoi një varg shpërthimesh me granata rreth një spitali në Zaporizhzhia, duke lënë të plagosur të paktën 40 ushtarë rusë, shkruan The Guardian.
Forcat ruse kishin vendosur tel dhe granata rreth skajit të një spitali lokal në fshatin Kinski Rozdorin, duke vendosur kurthin si një mbrojtje rrethore, sipas drejtorisë së inteligjencës ukrainase.
Dhia, e cila ishte arratisur nga një fermë, mësohet se kishte ecur drejt e në kurth me municionet ruse duke shpërthyer në një reaksion zinxhir, duke plagosur dhjetëra ushtarë që prisnin në pritë.
“Të paktën 40 ushtarë rusë mendohet se janë plagosur. Aktualisht nuk dihet gjendja e kafshës”, thuhet në njoftimin e inteligjencës ukrainase.
Dhia që atëherë është konsideruar si “Dhia e Kievit”, një referencë për pilotin mitik, Fantazma e Kievit, i cili vlerësohet se ka rrëzuar deri në 40 avionë gjatë pushtimit rus të kryeqytetit.
