Dhunë në familje në Rahovec: Gruaja rrah burrin me kabllo të telefonit

Rastet e dhunës në familje janë të shpeshta në vendin tonë, por rrallë ndodh që viktima të jenë burrat, pasi që zakonisht dhunën e denoncojnë gratë. Kështu ka ndodhur në një familje në Rahovec.

Sinjali mëson se rastin e ka denoncuar në Polici një 41-vjeçar, i cili si pasojë e dhunës së përjetuar nga bashkëshortja e tij, ka kërkuar edhe ndihmë mjekësore në spital.

Bazuar në dëshminë e viktimës, e gjithë ngjarja ka ndodhur në shtëpinë ku bashkëjetojnë çifti ku pas një mosmarrëveshjeje, e dyshuara e ka rrahur duke e goditur me kabllo të telefonit.

Si rezultat i denoncimit, e dyshuara është arrestuar dhe është shoqëruar në stacion policor për intervistim, ku para hetuesve ka mohuar të ketë kryer veprën për të cilën dyshohet.

Me urdhër të prokurorit, ndaj saj është iniciuar rasti për veprën ‘Dhunë në familje’.