Nga incidenti i zjarrit që shpërtheu te diskoteka ‘Zoom Club’ në Prizren, sot në mëngjes, nuk ka persona të lënduar. Si pasojë e flakëve, janë shkaktuar vetëm dëme materiale, raporton Gazeta Sinjali.
Lajmin e ka konfirmuar zëdhënësi Shaqir Bytyqi, i cili tha se bazuar në informacionet e para, diskoteka është djegur tërësisht.
“Sot në orët e hershme të mëngjesit është raportuar për një incident zjarri në Prizren, në rrugën Tranzi i Ri. Nga informacionet e para, dyshohet se një diskotekë ka marrë flakë dhe është djegur tërësisht. Dëmet materiale janë të mëdha, ndërkaq nuk ka të lënduar”.
