Lideri i Koresë së Veriut, Kim Jong Un, është takuar me presidentin e Rusisë, Vladimir Putin, në Vostochnyn rus, ndërsa ka thënë se do të jenë bashkë në luftën kundër imperializmit.
“Ne do të qëndrojmë së bashku në luftën kundër imperializmit. Jam shumë mirënjohës që po i kushtoni kaq vëmendje vizitës sonë në Rusi. Jam i sigurt se do të mbetemi së bashku në luftën kundër imperializmit”, i ka thënë Kim-Putinit.
Kremlini ka publikuar një video prej 20 sekondash të dy liderëve që ulen për të biseduar.
Putini i thotë Kimit ndërsa fillon takimi: “I nderuar president, jam shumë i lumtur që ju shoh dhe ju pres në Rusi. Këtë herë, siç ramë dakord, në Kozmodromin Vostochny”.
Hera e fundit që ata u takuan ishte në vitin 2019 në Vladivostok, qyteti port më në jug të Rusisë.
Vladimir Putin dhe Kim Jong Un vizituan hapsëirën më moderne të Rusisë, Kozmodromit Vostochny.
Është një ekskursion që përdoret për lëshimin e raketave hapësinore.
Hapësira është një temë me interes të madh për liderin e Koresë së Veriut. Vendi i tij është përpjekur dy herë (dhe ka dështuar dy herë) të lëshojë një satelit spiun ushtarak.
I pyetur nga një gazetar rus nëse Moska do ta ndihmonte Phenianin të lëshonte një satelit, Putin u përgjigj: “Kjo është arsyeja pse ne kemi ardhur këtu. Udhëheqësi i Koresë së Veriut është shumë i interesuar për teknologjinë e raketave…”.
