Në rrjetet sociale po qarkullon tashmë një dokument, leje kjo e lëshuar dje për ish-ministrin Aleksandër Jabllanoviq.
E njëjta leje i është dhënë atij nga Xhelal Sveçla, ushtrues detyre i Ministrit të Punëve të Brendshme.
Një leje kjo speciale, e cila i shërben Jabllanoviqit të lëviz lirshëm në tërë territorin e Republikës së Kosovës, transmeton Indeksonline.
Në anën tjetër, Sveçla sot përmes një konference për media, ka folur lidhur me zhvillimet e fundit si dhe mundësinë që presidenti Hashim Thaçi së fundi ka udhëtuar për në Shqipëri, pa e bërë të ditur këtë lëvizje.
I njëjti tha se nëse deputeti Pacolli, ka hyrë ilegalisht në Kosovë, atëherë me të to të mirret Policia dhe Prokuroria.
Kujtojmë që në shkurt të vitit 2015 kërcënimi për protesta nga Lëvizja Vetëvendosje kishte ndikuar që kryeministri Isa Mustafa ta shkarkojë nga detyra ministrin për Kthim dhe Komunitete, Aleksandër Jabllanoviq.
Shkarkimi i Jabllanoviqit erdhi pas dy palë protestave që u organizuan në Prishtinë nga partitë opozitare, të cilat rezultuan me qindra të lënduar dhe dhjetar të arrestuar.
Jabllanoviq nxiti protesta gjithëpopullore pasi që me 7 janar, në ditën e Krishtlindjeve ortodokse i quajti “Egërsira” nënat gjakovare.
