Drejtori i Filharmonisë së Kosovës, Baki Jashari, ka mposhtur koronavirusin pas 40 ditësh përballjeje me të.
Lajmin e ka bërë të ditur vajza e tij, sopranoja Arta Jashari, përmes një postimi në rrjetin social Facebook, shkruan Reporteri.net.
Jashari vuan edhe nga sëmundje tjera shoqëruese si diabeti, tensioni i gjakut e madje ka të vendosura edhe 4 stenda.
Në postimin e saj Arta Jashari ka thënë se më në fund e përqafoi babain e saj pa veshje “kosmonauti”.
Kujtojmë se për shkak të gjendjes shëndetësore të Baki Jasharit, Filharmonia e Kosovës anuloi koncertin i cili ishtë planifikuar që të transmetohet online dhe si përmbajtje kishte vepra simfonime të marra nga motive të muzikës burimore shqipe.
Ky është postimi i plotë i Arta Jasharit:
Pas thuajse 40 ditesh lufte me Covid19 , babi im me 4 stenda , diabet dhe tension rezultoi NEGATIV dhe ma ne fund u perqafuam pa veshje kosmonauti . Eshte nje moment teper i prekshem per neve dhe ju falenderoj te gjithve qe me keni qendruar prane mua e familjes sime 🙏🏼❤️ ZOTI JU SHPERBLEFTE ! Zoti ju ndihmofte te gjith juve qe jeni ne kete sfide …
