Mbi dy orë ka zgjatur takimi i kryeministrit Kurti me ndërmjetësin evropian në dialog, Miroslav Laçak dhe me këshilltarët për polikë të jashtme dhe siguri të Kancelarit të Gjermanisë, Olaf Scholz dhe Presidentit të Francës, Emmanuel Macron, Jens Plotner dhe Emmanuel Bonne.
Pas takimit, Lajçak ka folur për mediat, duke thënë se kishin diskutime të thella dhe të rëndësishme me kryeministrin Kurti për ta çuar përpara këtë proces.
Por, Lajçak ka thënë se nuk mund të japë më shumë detaje.
“Dy orë diskutuam me kryeministrin Kurti për dialogun dhe mënyrat për të sjellë dinamika të reja dhe ta çojmë këtë proces përpara. Ishin diskutime të thella dhe të rëndësishme, por nuk mund të japim më shumë detaje”, tha shkurt Lajçak para mediave.
Përfaqësuesi i Posaçëm të Bashkimit Evropian për Dialogun Kosovë-Serbi, Miroslav Lajçak dhe këshilltarët për polikë të jashtme dhe siguri të Kancelarit të Gjermanisë, Olaf Scholz dhe Presidentit të Francës, Emmanuel Macron, Jens Plotner dhe Emmanuel Bonne, pas Kosovës do të udhëtojnë për vizitë në Serbi, po ditën e sotme.
Ndërmjetësi evropian në dialog, Miroslav Lajçak, bashkë me të dërguarin e SHBA-së për Ballkanin, Gabriel Escobar, qëndruan në Kosovë dhe Serbi edhe në fund të gushtit./Reporteri.net
