Në moshën 60-vjeçare, më 7 të këtij muaji, vdiq ish-pjesëtari i Ushtrisë Çlirimtare të Kosovës dhe veprimtari i madh i çështjes kombëtare, Xhavit Hoti, i cili ishte punonjës në Komunën e Klinës.
Veterani i UÇK-së u varros dje në orën 15:00 në varrezat e lagjes “Hoti”, në Jashanicë të Klinës.
Por, dy ditë më pas, nga dhimbja e madhe për të birin, ka ndërruar jetë edhe nëna e Xhavitit, Qamile Hoti, përcjell Indeksonline.
Ajo ka vdekur mbrëmë, ndërsa varrimi i saj do të bëhet sot në orën 15:00 pranë djalit të saj.
