Emigrantët kthehen për festat, por mbetet i ulët numri i shqiptarëve që shkojnë në Greqi

Në këto ditë festash, numri i lëvizjeve në Pikën e Kalimit Kufitar të Kapshticës është rritur ndjeshëm.

Vetëm gjatë 24 orëve të fundit kanë hyrë në vendin tonë rreth 5900 shtetas shqiptarë dhe të huaj.

Pjesa më e madhe e tyre janë emigrantë që jetojnë e punojnë në Greqi, por që kanë vendosur t’i kalojnë festat e fundvitit së bashku me të afërmit e tyre në Shqipëri.

Ndërkohë, vijon të mbetet i ulët numri i kalimeve drejt shtetit grek. Në 24 orët e fundit kanë dalë nga vendi ynë 1360 qytetarë.

Kjo tendencë vjen si pasojë e shtrëngimit të masave anticovid nga qeveria greke.

Ndërkohë, e qetë duket situata në Pikën e Kalimit të Qafë-Thanës, me një trend normal hyrje-daljesh.