E gjithë bota duket se është ngritur në këmbë për të ndihmuar Shqipërinë, dhe në këtë varg të ndihmave hynë edhe Emiratet e Bashkuara Arabe të cilat ofruan një shumë të hollave.
Emirate e Bashkuara Arabe do të ofrojnë 3 milionë euro për të prekurit nga tërmeti që goditi Shqipërinë në 26 nëntor, të cilët që nga ajo ditë janë rrugëve.
Persona të ndihmës së shpejtë në Emiratet e Bashkuara Arabe do të udhëtojnë drejt kryeqytetit shqiptar këtë të diel, për të menaxhuar dhe mbikëqyrur shpërndarjen e ndihmës në vendet më të prekura.
Një numër i madh vendesh, veçanërisht ato fqinje janë solidarizuar me shqiptarët në këtë moment të vështirë që po kalojnë pas tërmetit shkatërrues që mori dhjetëra jetë. Kujtojmë se Kosova ka ndihmuar Shqipërinë me 500 mijë euro dhe Maqedonia e Veriut me 100 mijë.
