Emocionuese: Anton Quni ministër i Mbrojtjes, si me u pas ngjallë kolonel Ahmet Krasniqi

Sefedin Krasniqi, bashkëpunëtor i kolonel Ahmet Krasniqit dhe njohës i zhvillimeve politike në Kosovë, ka reaguar pasi ish- ministri i Drejtësisë Abelard Tahiri nga radhët e Partisë Demokratike të Kosovës (PDK) hedhi akuza të rënda në adresë të ministrit Quni dhe familjes së tij.

Fillimisht Krasniqi në postimin e tij, ka bërë pyetjen publike, se çka paska thënë, çka, për Antonin, Vasileviqi.

Bashkëpunëtor i kolonel Ahmet Krasniqit me tej thotë se zgjedhja e Qunit si ministër i Ministër i Mbrojtjes, i është dukur sikur të ngjallje kolonel Ahmet Krasniqi.

“Çka paska thënë, çka, për Antonin, Vasileviqi!? Mua, zgjedhja e Antonit ministër i MM të RKS, mu ka dukur si me u pas ngjallur Ahmet Krasniqi! Mu ka dukur sikur po i dëgjoj duke kënduar Salihin dhe Agimin! Ndjesë paçin!”, shkruan Sefedin Krasniqi.

E ndaj këtyre akuzave nuk ka heshtur as ministri aktual i Mbrojtjes, Anton Quni.

Ai ka thënë se do të konsultohet me familjarët e mandej do ta padisin Abelard Tahirin.

“Unë e dëgjova mbrëmë, do të konsultohem me familje dhe këtë çështje do ta drejtojnë organet e drejtësisë ku ai do të jetë i padituri për shpifje”, deklaroi Quni.