Media Nexta ka publikuar në llogarinë e saj në Twitter një video ku presidenti rus Vladimir Putin dhe lideri turk Rexhep Tajip Erdogan janë në qendër të vëmendjes.
Videoja tregon Erdoganin dhe Putinin duke ecur nëpër sallë, ndërsa Erdogan mban dorën e Putinit.
Siç shihet edhe në video, duket se Erdogan po e mban Putinin dhe po e ndihmon të ecë.
Ndërsa ata po ecnin, me sa duket në takimin e radhës, liderët folën dhe Putini nuk e lëvizi dorën që mbante Erdogan.
At the summit in Uzbekistan, Erdogan supported Putin by the hand. pic.twitter.com/ABqUbZHt6v
— NEXTA (@nexta_tv) September 17, 2022
Dy presidentët janë në Uzbekistan në samitin e Organizatës së Bashkëpunimit të Shangait në qytetin e Samarkandit.
Mendimet e njerëzve në komentet poshtë videos ishin të ndara. Disa besojnë se Putini nuk po duket shumë mirë dhe se shëndeti i tij është në rrezik. Nga ana tjetër, ka nga ata që nuk shohin asgjë të pazakontë në këtë, por vetëm një shenjë miqësie mes dy liderëve.
Kjo video ringjalli historitë për shëndetin e Putinit. Gjatë muajve të fundit, shumë kanë spekuluar se lideri rus nuk është mirë, gjë që supozohet se mund të shihet tek ai. Kishte gjithashtu thashetheme se ai kishte sëmundjen e Parkinsonit dhe madje edhe kancerin, por asnjë nga këto nuk u konfirmua kurrë.
