Erdogan sulmon Sorosin: Nuk tallet dot me ne si me Kosovën e Shqipërinë

Presidenti i Turqisë Recep Tayip Erdogan e konsideron ndërhyrje të filantropit George Soros thirrjen e 10 ambasadorëve për lirimin e Osman Kavalës një filantropist i burgosur që nga viti 2017. Gjatë kthimit të tij nga Afrika, Erdogan u pyet për gazetarët në lidhje me këtë dhe Presidenti i Turqisë tha se në mënyrë absolute nuk do të lejojë që Soros të bëjë ndërhyrje në Turqi ashtu siç bën në vendet e rajonit. Këto Erdogan përmendi edhe Shqipërinë e Kosovën.

“Ajo që është Soros në komunitetin ndërkombëtar, është rasti Kavala. Tani po hyn edhe djali i Soros. Ai është si babai i tij. Ato duhen ndjekur me shumë kujdes. Për shembull, ata po përpiqen të depërtojnë në Ballkan, të frikësojnë Ballkanin. Natyrisht, ne nuk do t’u japim atyre një mundësi, ata nuk duhet të jenë. Ata bëjnë gjëra të ngjashme në Kosovë, Maqedoni, Shqipëri, kudo. Prandaj, ne duhet ta vendosim atë nën vetëdijen tonë një herë. Elhamdulilah, ne si Turqi jemi të fortë dhe nuk mund të depërtojnë tek ne. Ka një rënie serioze të numrit të terroristëve. Ne do të vazhdojmë luftën kundër terrorizmit me të njëjtën vendosmëri,”- tha ai.

Gjykata Europiane e të Drejtave të Njeriut ka marrë një vendin në lidhje me rastin e Kavalës, kështu që Erdogan, kërkesën e 10 ambasadorëve ai e konsideron si ndërhyrje të Sorosit. Të hënën, në përvjetorin e katërt të ndalimit të filantropistit Kavala, ambasadat e Shteteve të Bashkuara, Kanadasë, Francës, Finlandës, Danimarkës, Gjermanisë, Holandës, Zelandës së Re, Norvegjisë dhe Suedisë lëshuan një deklaratë të të përbashkët duke kërkuar lirimin e menjëhershëm të tij.