Fermerët e prodhimit të mollës në zonën e Dibrës po përballen me problemin e shitjes së mollës. Nisur nga kjo shumë prej tyre kanë nisur prerjen e pemëve të mollës.
Feruk Dema, banor i fshatit Trepc në Dibër po pret të gjitha pemët e mollës. Ai thotë se arsyeja është mungesa e tregut për të shitur frutat, sidomos në 3 vitet e fundit. Duke qenë se i gjithë prodhimi i shkon dëm, ai ka vendosur të heqë dorë dhe të presë mollët, përshkak se askush nuk interesohet për to. “Tregu fare, ku ka treg për mollët. S’kemi ku t’i çojmë. Po kalben, po i hanë bagëtitë. Ka 2-3 vjet s’ka treg. S’të merr malli as t’i punosh, asgjë fare. Nuk është puna sa lekë, por nuk i marrin fare“, tha fermeri.
