Teksa po votohet nga anëtarët e Këshillit të Përgjithshëm për shkarkimin e Vjosa Osmanit nga nënkryetarja e Lidhjes Demokratike të Kosovës, Avdullah Hoti dhe Agim Veliu, ia kanë krisur drekës.
Kryeministri Avdullah Hoti, i propozuar nga kryetari i LDK-së, Isa Mustafa, që ta zë vendin e Vjosa Osmanit në parti, është parë teksa ka drekuar së bashku me disa bashkëpunëtorë të tij në qytetin e Pejës.
I shoqëruar në krah të Hotit, në mesin e shumë personave, është parë edhe zv.kryeministri, Driton Selmanaj.
Në anën tjetër, nënkryetari i LDK-së, njëherësh ministër i Punëve të Brendshme, Agim Veliu, i shoqëruar nga ministri i Infrastrukturës, Arban Abrashi, drekën kanë zgjedhur ta hanë në një restaurant në periferi të Podujevës.
Kurse, aktualisht është i hapur votimi për iniciativën e kryetarit të LDK-së, Isa Mustafa, që ta shkarkojë Vjosa Osmanin nga pozita e nënkryetares së partisë dhe në vend të saj, ta vendos kryeministrin Avdullah Hoti.
