Festa e verës dhe gështenjave, promovimi i prodhimeve vendase

Është mbajtur edicioni i 28 i festës së Verës dhe Gështenjave në Pogradec.

Në dy netët e fundjavës, pjesëmarrësit në eveniment kanë pasur mundësi të shijojnë jo vetëm ushqimin e të degustojnë verërat artizanale të prodhuara, por edhe pikturat, me fokus traditën e kahershme pogradecare.

Prodhuesit artizanë të verës tregojnë se prodhimi i tyre është mjaft i preferuar nga njerëzit.

“Kemi 27 vite që merremi me këtë punë, verë muskat ada, dhe resling. Që kur kemi marrë pjesë në Festën e verës që mora çmimi e tretë dhe të parë në verë të kuqe kam pasur me tepër kërkesa,” – u shpreh një prodhues.

“Të flasësh për verën familjare në Pogradec do netë të gjatë dimri. Prej viteve 90 e këtej merrem me verë. Kam marrë shumë çmime. Vera pogradecare ka të veçantë ka klimën, ka traditë të vjetër shekullore, rrushi është tradita e Pogradecit, ka ngelur nga lashtësia. Këtu ka merlot, benxh, tohai. Ata gjithmonë vijnë nga Tirana, Durrësi, Korça dhe këtu, të gjithë e pine,” – tha një tjetër.

Vizitorë të ardhur nga Tirana posaçërisht për këtë festë tregojnë kënaqësinë e marrë nga atmosfera e krijuar.

Verat më të mira janë vlerësuar me çmim, ndërkohë që të tilla festa shërbejnë për prodhimet vendase dhe promovimin e tyre.