Fisnik Ismaili e pranon se gaboi që shkoi në PSD

Një ditë pas zgjedhjeve të jashtëzakonshme në Kosovë që nxorën fituese Lëvizjen Vetëvendosje, ish-anëtari i kësaj partie që tash është në PSD, Fisnik Ismaili si duket i ka rënë pishman që e la partinë e udhëhequr nga Albin Kurti.

I pyetur në Facebook, nëse do të kthehej pas fitores në Lëvizjen Vetëvendosje, Fisnik Ismaili është përgjigjur se ka bërë gabim në kohën kur 12 deputetë kishin dalë nga Vetëvendosje për të krijuar më vonë PSD-në që udhëhiqet nga Shpend Ahmeti.

I njëjti tha se do të bënte më mirë nëse atëherë të kishte dalur si deputet i pavarur deri në përfundim të mandatit, e që të mos vazhdonte më tutje të merret me politikë.

“Një gabimth e kam ba: është dashtë me dalë i depotet pavarun qatëherë kru dola, me nejtë deri në fund të mandatit edhe mos me rr.. për asnji parti politike ma”, është përgjigjur Ismaili.

Ish-deputeti i PSD-së, dje pas shpalljes së rezultateve të para ka dalë me status në Facebook, nga ku ka uruar Vetëvendosjen për fitoren.