Fjalimi i fuqishëm i poetit kosovar që jeton në Suedi, kundër çmimit për Handken: Më vjen turp..

Dhënia e çmimit për një shkrimtar austriak Peter Handken ka shkaktuar një polemikë të madhe dhe zemërim publik në lidhje me mbështetjen e tij për regjimin Slobodan Millosheviç gjatë luftërave në ish-Jugosllavi, dhe protestat u organizuan me rastin e këtij çmimi.

Disa shtete bojkotuan këtë ceremoni pikërisht në mbështetje të Kosovës, ndërsa në kryeqendrën suedeze pati edhe protesta ku në fokus ishte flamuri kuq e zi.

Përveç kësaj mjekja suedeze Christina Doctare e kthen prapa çmimin Nobel të fituar në vitin 1988 për shkak të Handkes, përcjellë Indeksonline.

Ndërsa poeti kosovar Shqiptar Oseku nga Gjakova e që jeton në Suedi ka dhënë një fjalim të fuqishëm kundër vendimit të akademisë suedeze për të nderuar me Nobel apologjetin e gjenocidit Peter Handke

Ky është fjalimi i tij:

Une quhem Shqiptar Oseku, jam poet dhe vi nga Rrjeti Suedezo-Shqiptar. Nuk kam ardhur vetem, jam me ambasadoren e Kosoves, me ambasadorin e Shqiperise, e ambasadoret e Bosnes, te Kroacise, te Turqise, qe refuzuan te hane buke e turp sonte. Ata zgjodhen sonte me mire te rrine me ne, ndaj ne u themi faleminderit. Nje falenderim edhe per organizatoret e ketij takimi, qe na mundesuan t’i dalim zot te vertetes sone, te vdekurve e te gjalleve tane.

Une vij nga Gjakova, nje qytet ne kufi me Shqiperine qe pesoi Bosnen e vet me 1999. Rruget e qytetit tim ishin si ato te Bosnes. Burra e gra te vrare, dhunime, femije e pleq te masakruar.

Por sonte ketu nuk dua te jem vec shqiptar. Sonte dua te jem edhe boshnjak. Dua te jem nga Sarajeva. Dua te jem nga Srebrenica. Nga Tuzlla. Nga Foca. Nga Jajce. Nga Bijelina. Nga Gorazhde. Sonte dua te jem nga cdo pellembe e asaj Bosne qe e mbyten ne gjak kriminelet te cilet i justifikon Peter Handke.

Sonte jam edhe suedez, pse jam qytetar suedez tash sa dekada. Jam ketu me vajzën time qe ka lindur ne Suedi. Dhe si suedez dua te them atë qe duhej ta thonte akademia suedeze sonte, sikur te mos ishte e mbytur ne relativizem moral. Dua te them se me vjen turp, sa turp. Dhe dua te ju them te gjitheve na falni: na falni qe ju prekem plaget.