Nëpërmjet Portit të Durrësit nga data 20 dhjetor dhe deri sot kanë hyrë në vendin tonë 25,477 udhëtarë dhe 7,738 automjete.
Ata janë kryesisht shqiptarë të diasporës që kthehen për të kaluar festat pranë familjarëve në Shqipëri dhe Kosovë, por edhe shtetas të huaj që kanë zgjedhur të kalojnë disa ditë pushimesh në vendin tonë.
Për të përballuar këtë fluks udhëtarësh, kompanitë që operojnë linjat detare kanë shtuar kapacitetet e tyre. Tragetet e linjës Durrës-Bari e Durrës-Ankona po operojnë normalisht.
