Në Foltoren e mbajtur nga Sali Berisha me të rinjtë në Tiranë, doli në krah të ish-kryeministrit edhe, Glauk Olldashi, djali i ish-ministrit dhe deputetit të ndjerë të PD-së Sokol Olldashi.
Glauk Olldashi u shpreh se që PD të mundë modelin autoritar socialist nuk duhet të kthehet në një parti autoritare, por të hapet partia dhe të bëhet një model bashkimi dhe frymëzimi për të gjithë shqiptarët.
“Nuk dua të ndalem në problemet e brendshme që ne kemi në partinë tonë pasi janë shumë, dhe janë diskutuar më parë. Ajo që dua të them është: Ne duhet të vijmë në pushtet për të gjithë shqiptarët, për ta bërë Shqipërinë një vend vërtet të lirë, ne jemi kundër modelit socialist autoritar, ne që ta mundim këtë model autoritar, dhe nuk mund ta mundim me një PD autoritare, duhet ti ruajmë vlerat tona dhe ti zbatojmë ato.
Kam besimin se do ta bëjmë këtë gjë, do ta hapim partinë, dhe të bëhemi parti model jo vetëm demokratët por gjithë shqiptarët, me këtë model të frymëzojmë të gjithë shqiptarët të majtë e të djathtë. Së fundmi dua ta mbyll me këtë fjalë nuk ka se kush ti përfaqësojë më mirë vlerat e PD se sa forumi i PD-së”, tha Glauk Olldashi.
