Gëzim Kelmendi, kryetari i partisë FJALA më rrënjë turko-islamike, e ka përjetuar rëndë disfatën e dytë në zgjedhje ku partia e tij prap nuk arriti të kalon pragun zgjedhor. Dhe për këtë ka fajësuar direkt Albin Kurtin, duke e akuzuar së partia e tij ia mori ‘vëllezërit mysliman’.
Ai në një shkrim në Facebook ka zhprazur gjithë mllefin kundër Albin Kurtit, duke e quajtur nacionalist dhe njeri anti islam, Madje ai thotë se ishte Albin Kurti, që kishte votuar kundër ezanit në Kuvendin e Kosovës.
“Lëvizja Vetëvendosje në fillet e saj e ka proklamuar vetën si lëvizje nacionaliste. Lëvizjet nacionaliste gjithmonë dhe çdokund në botë janë lëvizje që kundërshtojnë ligjin hyjnor të ZOTIT. Arsyetimi i vëllezërve të mi ishte se arsyeja pse kanë zgjedhur VV-në e jo neve, është se prioritet i tyre ishte largimi i PDK-së nga pushteti”, thotë Gëzim Kelmendi.
Ai thotë gjithë ashtu së Lëvizja Vetëvendosje, ishte kundër futjes së shamisë në shkolla:
“Për hirë të informimit të drejtë, në vitin 2011 kur janë votuar amendamentet për futjen e edukatës fetare në shkolla, deputetët e VV-së në krye me Albin Kurtin kanë lëshuar seancën dhe kanë dalë nga salla e kuvendit. Ndërsa me 2014 të gjithë deputetët e VV-së në krye me Albin Kurtin votojnë ligjin për zhurma që kufizon ezanin”.
Ai e krahason vetën me sulltanin e Perandorisë Osmane, Sulltan Abdylhamidi i II-të, duke harruar se ky sulltan ishte një anti shqiptar i madh.
“Rasti i rrëzimit të Sulltan Abdylhamidit të II-të nga populli i tij, konkretisht nga lëvizja nacionaliste xhon turke “Turqit e Rinj”. Ngase unë në asnjë aspekt nuk mund ti afrohem Sulltan Abdylhamidit II. Ai ishte shumë më i mirë se unë në të gjitha aspektet.Sulltan Abdylhamidi i II-të ishte një burrë i madh, i drejtë dhe i pushtetshëm për të cilin kishte respekt lindja dhe përëndimi”.
Ai në fund thotë së nuk do të dorëzohet, dhe se është i frymëzuar nga Kur’ani madhështor.
