Një përleshje fizike mes disa personave ka ndodhur pasditen e sotme në Gjakovë, raporton Gazeta Sinjali.
Tre persona të dyshuar për një përleshje fizike në Gjakovë janë shoqëruar në stacionin policor pasditen e sotme.
Lajmin e ka konfirmuar për Gazetën Sinjali drejtori i Policisë për rajonin e Gjakovës, Lumni Graishta, i cili njoftoi se të dyshuarit pas intervistimit janë liruar.
“Incidenti ka ndodhur rreth orës 17:30, për shkak të një mosmarrëveshje të mëhershme. Njësitet policore i’u kanë përgjigjur vendit të ngjarjes. I kanë marrë të dhënat e qytetarëve të përfshirë në incident dhe i ka shoqëruar në stacionin policor. Por, prokurori ka vlerësuar se nuk ka elemente të veprës penale dhe për këtë arsye të dyshuarit janë liruar. Sipas dëshmitarit dhe vetë palëve të përfshira nuk ka pasur përleshje, por vetëm fjalosje”, ka thënë Graishta.
