Gjeti dy vëllezërit e vdekur në banesë, flet kryeplaku i fshatit: Dera ishte e mbyllur, u ngjita me shkallë nga dritarja

Kryeplaku i fshatit Çorrush në Mallakastër, Ismet Zenelaj, tregon se si e mori vesh ngjarjen për dy vëllezërit e moshuar, të cilët u gjetën të pajetë në banesën e tyre të rikonstruktuar rreth tre vite më parë nga bashkia Mallakastër, shkruan A2 CNN.

“Më lajmëroi kryeplaku i lagjes Barjam Allkaj, se një prej gjitonëve të të moshuarve e ka njoftuar se prej një jave nuk i kanë parë të dy vëllezërit, ndaj erdha menjëherë për të parë nga afër situatën. Dera ishte e mbyllur dhe mora një shkallë ku munda të shoh nga dritarja.

Njëri prej tyre kishte rënë në mes të korridorit, ndërsa tjetri paksa i zhveshur, por nuk arrita t’i dalloj mirë. Era e trupave ndihet edhe jashtë banesës ka thënë Zeneli, gjë që tregon se mund të kenë ndërruar jetë prej disa ditësh. Të dy vëllezërit jetonin të vetëm me pensionet e pleqërisë”, tha ai.

Ndërkohë, policia ka bërë të ditur se ka nisur një hetim në lidhje me këtë rast.