Të paktën gjashtë aeroplanë janë dëmtuar në një sulm ajror izraelit të martën ndaj Aeroportit Ndërkombëtar të Sanaas, i cili kontrollohet nga rebelët Huthi të lëvizjes Ansar Allah në Jemen. Lajmi u konfirmua nga Drejtori i Përgjithshëm i aeroportit, Khaled Al-Shayef.
It has been 24 hrs since Israeli airstrikes targeted Houthi sites in Sanaa. The airport was left in ruins.
—
Recall that the Houthis chose to start a conflict with Israel. They imposed a maritime blockade of the Red Sea & beyond. Now, the chickens have come home to roost. pic.twitter.com/4KSdtZILyk— Joe Truzman (@JoeTruzman) May 7, 2025
“Armiku sulmoi dhe shkatërroi plotësisht gjashtë aeroplanë, tre prej tyre të Yemenia Airways,” deklaroi Al-Shayef për kanalin televiziv Al Masirah. Ai shtoi se kompania ajrore tani ka vetëm një avion të mbetur, i cili ndodhet në Aman.
Sulmi ajror izraelit erdhi si kundërpërgjigje ndaj një goditjeje të mëparshme të rebelëve Huthi ndaj aeroportit Ben Gurion në Tel Aviv. Krahas Aeroportit të Sanaas, objektiva të tjerë të bombardimeve ishin edhe disa stacione elektrike në rajonin e kryeqytetit jemenas si dhe një fabrikë çimentoje në provincën Amran.
Sipas raportimeve të kanalit televiziv Al Yemen, terminali kryesor i pasagjerëve dhe të gjitha zonat teknike të aeroportit janë shkatërruar plotësisht.
