Përfaqësuesi Special për dialogun Kosovë-Serbi i Presidentit të Shteteve të Bashkuara të Amerikës, Donald Trump, ambasadori Richard Grenell, ka reaguar pas qëndrimit të djeshëm të kreut të opozitës, Kadri Veseli.
Grenell i ka reaguar në Twitter Kadri Veselit, duke i thënë se Shtetet e Bashkuara të Amerikës janë duke kërkuar heqjen e taksës dhe se kryeministri Albin Kurti për këtë ka të drejtë, Kosova duhet ta heq taksën ndaj Serbisë.
Ambasadori amerikan i ka kujtuar Kurtit që taksa po e dëmton Kosovën dhe po i pengon bizneset të krijojnë vende të reja të punës.
“Kadri, Shtetet e Bashkuara të Amerikës po i kërkojnë Kosovës që ta heqin taksën 100 %. Po e dëmton Kosovën dhe po pengon bizneset të krijojnë vende të reja të punës. Albini ka të drejtë këtu”, ka shkruar Grenell.
Ky reagim i Grenellit vjen pasi Kadri Veseli në reagimin e tij të djeshëm i ka thënë Kurtit se nuk duhet të dorëzohet përpara Serbisë, duke aluduar në mos heqjen e taksës.
Kujtojmë se vizita e fundit e Grenellit në Kosovë ishte pikërisht për vazhdimin e dialogut, formimin e qeverisë dhe heqjen e taksës 100% ndaj produkteve serbe.
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…