Grenell i uron shërim të shpejtë Vuçiçit: Më vjen keq që s’u takuam

I dërguari speciale i Shteteve të Bashkuara të Amerikës për Misione Speciale, Richard Grenell, i ka uruar presidentit të Serbisë, Aleksandar Vuçiç, shërim të shpejtë.

Mediat në Serbi, të shtunën, kanë raportuan se Vuçiç, ka ndërprerë vizitën e tij në Shtetet e Bashkuara të Amerikës për shkaqe shëndetësore.

Sipas informacioneve jozyrtare, të mediumit serb, Blic, Vuçiç papritmas u ndje keq në orët e para të pasdites, pas së cilës kërkoi ndihmë mjekësore. Pas një ekzaminimi, ai vendosi të kthehej në Serbi.

Në këtë kontekst, Grenell ka shprehur keqardhje që nuk kanë arritur të takohen.

“Gjithë të mirat. Më vjen keq që nuk u takuam, por shpresoj që gjithçka të jetë mirë”, shkroi Grenell, në platformën sociale, Facebook.

Vuçiç u nis për në Shtetet e Bashkuara më 30 prill. Ai kishte planifikuar të takohej me shumë zyrtarë republikanë, si dhe me Presidentin e SHBA-së Donald Trump . Ndër njerëzit e parë që takoi ishte Rudy Giuliani , ish-kryetar i Nju Jorkut.

Ndërsa deklarimet zyrtare flasin për një përkeqësim të papritur shëndetësor, burime diplomatike dhe reagime ndërkombëtare ngrenë dyshime serioze për anulimin e takimit me Donald Trump dhe presionin mbi presidentin serb që të tërhiqet nga vizita në Moskë më 9 maj.

Këtu qëndron arsyeja kryesore pse Aleksandar Vuçiç, presidenti i Serbisë, ndërpreu vizitën e tij në Shtetet e Bashkuara dhe anuloi një takim të paralajmëruar me ish-presidentin amerikan Donald Trump.

Arsyeja zyrtare ishte një përkeqësim i papritur i gjendjes shëndetësore, por konteksti politik që e rrethon këtë vendim e tejkalon natyrën personale të këtij zhvillimi.

Vizita e planifikuar e Vuçiç në Moskë për paradën e 9 majit ka shkaktuar reagime të ashpra nga Bashkimi Evropian dhe, siç raportojnë burime nga qarqe diplomatike, ka prodhuar tensione të reja edhe me administratën e Trump, e cila ndonëse në opozitë, ka rifituar terren të fortë në politikën globale.

Kërkesa e stafit të Trump për anulimin e vizitës së Vuçiç në Moskë është përkthyer si një përballje mes interesave të qarta amerikane për të distancuar partnerët ballkanikë nga Kremlini dhe ambiguitetit të vazhdueshëm serb që përpiqet të mbajë lidhje të baraspeshuara me të gjithë.

Në këtë rrethanë, strategjia të “mos e mërzisë askënd” që Vuçiç ka ndjekur me kujdes ndër vite ka nisur të dështojë.