Vijon të qarkullojë dhe të forcohet edhe më tej teoria se lideri i Rusisë, Vladimir Putin është i sëmurë rëndë me kancer.
Kësaj here, deklarata vijnë nga kreu i shërbimeve inteligjente ushtarake në Ukrainë, Kyrylo Budanov i cili shkon dhe më tej duke shtuar se tashmë në Rusi ka nisur grushti i shtetit për të rrëzuar Putin, por pa dhënë detaje për informacionet.
Gjenerali Kyrylo Budanov, vetëm 36 vjeç, është një nga zyrtarët më të afërt të Zelensky dhe një nga drejtuesit e taktikave ushtarake të ushtrisë ukrainase. Gjatë një interviste për Sky Neës ai foli për situatën në fushën e betejës, por edhe për atë që po ndodh në Kremlin, për të cilën thotë se është shumë i sigurt.
“Po bëhet një grusht shteti që nuk mund të ndalet, Putini është në kushte shumë të këqija psikologjike dhe fizike, është shumë i sëmurë. Unë jam kreu i inteligjencës, nëse nuk i di këto gjëra, kush duhet t’i dijë”, u shpreh Budanov duke insistuar se kjo gjë nuk është një propagandë e Kievit.
Shefi i inteligjencës ushtarake ukrainase parashikon se lufta do të arrijë një pikë kthese nga mesi i gushtit dhe do të përfundojë deri në fund të vitit, duke shtuar se e njeh shumë mirë armikun.
“E njohim mirë armikun tonë. I dimë planet e tij menjëherë sapo nisin. Europa e sheh Rusinë si një kërcënim të madh. Kanë frikë nga reagimi i saj. Ne po e luftojmë Rusinë prej 8 vitesh dhe mund të themi që kjo forcë që deklarohet për të është thjesht një mit. Nuk është kaq e fuqishme”, përfundoi Budanov.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…