Halil Kastrati: Kemi marrë vendim ta strehojmë të moshuarën nga Gjakova, e presim

Humanisti Halil Kastrati është shprehur i gatshëm që ta strehojë të moshuarën nga Gjakova, ndaj të cilës është ushtruar dhunë në qendrën e të moshuarve “Orenda” në Pejë.

Ai është shprehur i dëshpëruar me skenat që janë bërë publike sot në mediat vendore nga kjo qendër.

Kastrati ka thënë se është në kontakt me kryetarin e Suharekës, Bali Muharremaj dhe kryetarin e Gjakovës, Ardian Gjini për strehimin e saj
“Është përhapë një lajm se ajo nënë e jona është pranu në shoqatën tonë. Më ka thirrur kryetari i Suharekës, Bali Muharremaj, në koordinim me kryetarin Gjini, që ta pranojmë këtë nanë”, ka thënë Kastrati.

Kastrati ka deklaruar se “nga ana jonë është marrë vendim që ajo të pranohet, prandaj, sipas tij, “ngelet të vendos familja”.

Kastrati ka thënë se punën për strehimin e të moshuarve e bënë me vullnet.

“Unë si Halil me gjithë stafin punoj në aspektin shpirtëror me të moshuarit. Qe një vit kam marrë nusen e fëmijët dhe jetoj bashkë me ta.Ne jemi të gatshëm ta pranojmë në shtëpinë tonë”, ka thënë ai.