Kryetari i Aleancës për Ardhmërinë e Kosovës, Ramush Haradinaj, ka deklaruar se është pronar edhe i një firme ndërtimore të hapur në vitin 2019 së bashku me gruan e tij me kapital fillestar prej 1 mijë eurosh.
Kështu të paktën thonë formularët e deklarimit të pasurisë të Agjencisë kundër Korrupsionit, ku Haradinaj ka deklaruar pasurinë e tij.
Ish-kryeministri i Kosovës është po ashtu pronar i disa tokave dhe shtëpive dhe patundshmërive të tjera.
I pari i AAK-së ka deklaruar se së bashku me bashkëshorten e tij i kanë në bankë 42 mijë e 984 euro e katër cent.
Në formularët e AKK-së, Ramush Haradinaj, ka deklaruar se ka goxha edhe obligime financiare që duhet t’i kthejë.
E po ashtu ai ka bërë të ditur edhe të hyrat vjetore që i merr nga angazhimet e tij.
