Kryeministri në detyrë i Kosovës, Ramush Haradinaj, ka folur rreth zhvillimeve të fundit politike, dhe ngecjen në rrugën drejt formimit të Qeverisë së re nga subjekti fitues i zgjedhjeve të 6 tetorit.
Haradinaj ka thënë për televizionin publik të Kosovës, se nëse Albin Kurti nuk ka plane rreth formimit të institucioneve, le të dorëzohen për t’i dhënë mundësi dikujt tjetër.
”Nëse partitë na ftojnë në konsultë për të gjetur formula për rrugëdalje, unë nuk hezitoj”.
”Por nuk e kam ndërmend të shkoj tek Albin Kurti nëse më thërret. Por, nëse ai nuk e ka në plan ta bëjë, atëherë është mirë të lëshojë rrugë. Ne duhet të bëjmë diçka për buxhet”, ka thënë Haradinaj.
