Kryetari i AAK dhe ish-kryeminsitri i Kosovës, Ramush Haradinaj, ka publikuar vendimin e datës 21 nëntor të vitit 2018, kur është vendosur taksa 100% mbi produktet serbe.
Ai ka dashur ta fokusojë pikat 3 dhe 4 të këtij vendimi, ku parashihen një sërë masash reciprociteti, të cilat, ka thënë ai, kryeminsitri aktual Albin Kurti, po i përdorë sikur të jenë vendosur nga qeveria që e drejton ai.
“Vendimi im i datës 21.11.2018, në të cilin vendoset taksa 100% për produktet serbe, në pikën 3 dhe 4 parasheh një sërë masash reciprociteti për të cilat obligohet Dogana, Inspektorati i Tregut dhe Inspektoratet Komunale, që të obligojnë të gjithë operatorët ekonomik t’i largojne të gjitha produktet të cilat në etiketën apo deklaracionon e tyre kanë përmbajtjen e: Importues/Distributor/Përfaqësues/Prodhues/apo edhe ndryshe, për dhe në “Kosovë e Metohi”, “Kosovo Unmik””Kosova 1244”, “Kosovo Rezoluta 1244, sikurse edhe ato në të cilat përdorin vetëm emrat e qyteteve pa emrin e shtetit apo edhe çdo emërim tjetër në kundërshtim me emërtimin kushtetues të Republikës së Kosovës”, ka shkruar Haradinaj
Haradinaj ka thënë se kjo vërtetën atë që Kurti ka hequr taksën pa nder dhe pa kundërblerë, duke e mashtruar popullin kinse po vendos reciprocitet.
“Kjo e vërteton se Albin Kurti ka hequr taksën pa nder dhe kundërvlerë, si dhe e mashtron popullin me reciprocitet, i cili tashmë vetëm ka ekzistuar në vendimin e taksës”, ka thënë Haradinaj.
