Kryeministri në detyrë Ramush Haradinaj, në një vjetorin e vendosjes së taksës ndaj mallrave serbe, është takuar me Kolonelin Chad Daniels dhe ekipin e tij nga Elementi Mbështetës Kombëtar i ShBA-së në kuadër të KFOR-it.
Haradinaj përmes një postimi në llogarinë e tij në ‘Facebook’ ka thënë se populli i Kosovës u është përjetësisht mirënjohës, ushtarëve, qeverisë dhe popullit amerikan, për ndihmën e pazëvendësueshme në realizimin e aspiratës historike për liri dhe pavarësi
“Kënaqesi e veçantë takimi me Kolonelin Chad Daniels dhe ekipin e tij nga Elementi Mbështetës Kombëtar i ShBA-së në kuadër të KFOR-it (U.S National Support Element – NSE). Pranimi i flamurit amerikan, i valvitur më datë 20 nëntor 2019 në Kampin Elementi Mbështetës Kombëtar i SHBA-ve, është poashtu një nder dhe privilegj. Populli i Kosovës u është përjetësisht mirënjohës, ushtarëve, qeverisë dhe popullit amerikan, për ndihmën e pazëvendësueshme në realizimin e aspiratës historike për liri dhe pavarësi. Kosova i përket botës, të cilës i prinë Amerika dhe do të jetë gjithmonë krah saj në rreshtin e paqes”, ka shkruar Hardinaj.
