Ihab Ayyad, një i ri i krishterë që jeton në Rripin e bllokuar të Gazës, shpërndan ujë dhe hurma në rrugë çdo mbrëmje për muslimanët agjërues që nuk kanë arritur në shtëpitë e tyre në kohën e iftarit.
Imazhi emocionues i 29-vjeçarit Ayyad që u shpërndan pije dhe ushqime fqinjëve të tij muslimanë të ngecur në bllokimin e trafikut në kohën e Iftarit, mund të shihet çdo pasdite Ramazani për pesë vjet.
Ayyad tha se e konsideron këtë praktikë si një gjest tolerance dhe një mesazh të bashkëjetesës mes të krishterëve dhe muslimanëve në Gaza.
“Unë shpërndaj ujë dhe hurma për muslimanët, sipas buxhetit tim. Ky aktivitet do të forcojë frymën e vëllazërisë dhe dashurisë dhe lidhjen midis muslimanëve dhe të krishterëve. Ne ndjejmë lodhjen dhe vështirësitë e një dite të gjatë agjërimi”, tha Ayyad.
Duke qenë se aktualisht është i papunë, Ayyadi bleu ujin dhe hurmat për këtë Ramazan nga kursimet e tij dhe paratë që mblodhi gjatë festave të krishtera.
“Këta janë tregues të bashkëjetesës dhe solidaritetit. Të krishterët në shoqërinë palestineze nuk ndjejnë diskriminim, përkundrazi, qëllimet dhe vuajtjet tona janë të përbashkëta”, përfundoi Ayyad.
Kryeministri shqiptar, Edi Rama ka dhënë një intervistë për revistën italiane ‘Vanity Fair’ me gazetaren…
Shtetet e Bashkuara pritet të bëjnë ndryshime në kontributin e tyre në misionin e NATO-s…
Presidenti i Shteteve të Bashkuara të Amerikës, Donald Trump, ka thënë se marrëveshja mes SHBA-së…
Gjykata Themelore në Prishtinë e ka dënuar ish-pjesëtarin e ISIS-it, Hysri Selimi, me gjashtë vjet…
Çmimet e naftës ranë në Azi të hënën pasi Pakistani, i cili ka ndërmjetësuar përfundimin…
Policia e Kosovës ka sekuestruar një veturë me targa të huaja në Gjakovë, pasi e…