Cristiano Ronaldo pritet që të zgjerojë biznesin e tij duke investuar në pasuri të tjera të paluajtshme në Madeira.
37-vjeçari, i cili aktualisht është i “papunë” pas ndarjes me Manchester United, është duke ndërtuar partneritet me grupin e hoteleve Pestana për një kompleks apartamentesh me vlerë 50 milionë euro.
Blloku i banimit pritet të ndërtohet në një tokë që Cristiano ka në pronësi në Praia Formosa, pranë një ndërtese shtatëkatëshe që është pjesë e pronave të tij, aty ku jetojnë nëna e tij Dolores Aveiro dhe vëllai Hugo.
Kompleksi, që në përbërje ka 88 apartamente do të quhet Rezidencat Pestana CR7. Ndërtimi i godinës pritet që të fillojë majin e vitit që vjen.
Projektin e ri të CR7 e prezantoi Dionosio Pestana, president i Pestana Hotel Group që menaxhon tashmë pesë hotele si pjesë enjë partneriteti me Ronaldon.
