Prishtinë- Tomë Dodaj, i akuzuari i katërt në rastin e vrasjes së Liridona Ademajt, pasi e pranoi fajësinë, është shpallur fajtor dhe dënuar me 5 vjet burgim dhe 5 mijë euro gjobë për shitjen e armës.
Gjykata Themelore në Prishtinë e ka dënuar me pesë vite burgim dhe gjobë prej pesë mijë eurove Dodajn, njërin nga të akuzuarit për përfshirje në vrasjen e Liridona Ademajt.
Aktgjykimi ndaj Dodajt u shpall të premten nga gjykatësja Fatime Dermaku
Dodaj u shpall fajtor për kryerjen e veprës penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materialeve plasëse”.
Gjykatësja Dërmaku tha se gjatë vuajtjes së dënimit Dodajt do t’i llogaritet koha e kaluar në paraburgim.
“Gjykata, në bazë të dispozitave ligjore, të akuzuarit Tomë Dodaj i shqipton dënim me burgim për veprën penale importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materialeve plasëse.. i shqipton dënim me gjobë prej 5 mijë euro dhe dënim me burgim prej 5 vitesh”, tha gjykatësja.
Tomë Dodaj ia kishte shitur Naim Murselit për 280 euro armën me të cilën Granit Plava dyshohet se e vrau ish bashkëshortën e Murselit, Liridona Ademajn.
Irani ka zgjedhur djalin e të ndjerit Ajatollah Ali Khamenei si udhëheqësin e ardhshëm suprem…
Konflikti në rritje mes Shteteve të Bashkuara të Amerikës dhe Iranit po vazhdon të shkaktojë…
Interneti është ndërprerë dhe qytetarët e zakonshëm që nuk kanë VPN nuk mund të lidhen…
Një klip i fjalimit të Presidentit rus Vladimir Putinit u botua ditën e sotme aksidentalisht…
Një grua nga Teheran ka deklaruar se shumë iranianë janë aq të lodhur nga represioni…
Forcat ajrore izraelite sulmojnë infrastrukturën iraniane të naftës në Teheran. IDF njoftoi se ndërmori një…